Lokacioni yt

Një ceremoni diplomimi i pazakontë ka ndodhur në Universitetin e Harvardit, ku studentja shqiptare Artea Brahaj ka zgjedhur një veshje të veçantë për të kremtuar fundin e studimeve të saja.

E diplomuar në Studime Sociale, përkatësisht në drejtimin për Etni, Migrim dhe të Drejta, vajza nga Tirana ka veshur një nga veshjet e njohura shqiptare.

“Në vitin 2007, me pak fat, prindërit, motra dhe unë fituam lotarinë e vizave dhe emigruam në Nju Jork nga Shqipëria. Tre vjet më vonë, pasi babai im u kthye nga puna në mesnatë, ne pamë Legally Blonde së bashku dhe ai tha “ai mund të jesh ti një ditë”. Sado e çuditshme që tingëllon, ai film ishte prezantimi im i parë në kolegj dhe në shkollën e mesme. Që atëherë, unë dhe prindërit e mi do të flisnim për një të ardhme që mund të ndërtonim së bashku për familjen tonë dhe për Shqipërinë nëse do të pranohesha. Për ne, Harvardi përfaqësonte ëndrrën amerikane”, ka shkruar ajo për ëndrrën e saj.

Tutje Brahaj tha se pikërisht gjatë studimeve në Shtetet e Bashkuara të Amerikës ka arritur ta njeh historinë e prejardhjes së saj.

“U përballa me idealizmin tim dhe gjeta një pasion për teorinë kritike sociale dhe migrimin dhe studimet fetare. Gjatë kohës sime të shkurtër në Universitetin e Kembrixhit, më në fund arrita të studioja historinë e vendit tim. Akademikët e mi u bënë një ndjekje personale, duke më lejuar të pajtoja përvojat e familjes sime dhe të mia ndërsa shikoja jashtë tyre”, ka shkruar ajo. M.P. / RTKlive