Jashari shënon për Luzernin, Ademi e Xhaka asistojnë për Baselin
Derbi ndërmjet Baselit dhe Luzernit në elitën e futbollit të Zvicrës është mbyllur baras.
Baseli dhe Luzerni, që në përbërje kanë shumë shqiptarë, kanë barazuar 1:1 të enjten, në kuadër të xhiros së tetë të Superligës së Zvicrës.
Taulant Xhaka asistoi për Gjorgje Jovanoviqin në minutën e 61-të, për epërsinë 1:0 të Baselit.
Por Ardon Jashari shënoi në minutën e 81-të me asistim të Kemal Ademit, për rezultatin final, 1:1.
Xhaka e kompletoi ndeshjen te Baseli. Denis Simani, Ismajl Beka e Ardon Jashari luajtën në tërë ndeshjen për Luzernin.
Ademi hyri si zëvendësues në minutën e 68-të. Baseli pas shtatë ndeshjeve ka pesë pikë dhe zë vendin e nëntë. Luzerni i dyti ka 15 pikë në tetë ndeshje.
