Beshiktashi fiton me kontributin e Muçit e Rashicës
Beshiktashi ka shënuar fitore në kuadër të xhiros së 33-të me kontributin e Ernest Muçit e Milot Rashicës.
Muçi shënoi gol ndërsa Rashica asistoi në golin e dytë të Beshiktashit, që me rezultatin 2:0 fitoi ndaj Ankaragucut të premten mbrëma.
Muçi në minutën e 18-të e shënoi golin e tretë të edicionit pas plasimit të bukur të topit.
Ndërkohë, Rashica në minutën e 67-të harkoi nga këndi. Topi i goditur nga Jackson Muleka përfundoi në rrjetë pas devijimit të një mbrojtësi kundërshtar.
Rashica u zëvendësua në minutën e 76-të kurse Muçi e kompletoi ndeshjen.
Beshiktashi ka 51 pikë në pozitën e katërt, kurse Ankaragucu ka 37 pikë në vendin e 13-të.