Talibanët arrestojnë 18 zviceranë në Afganistan
Autoritetet e talebanëve afganë kanë arrestuar 18 punonjës të Misionit Ndërkombëtar të Ndihmës (IAM) të organizatës joqeveritare zvicerane (OJQ), shkruan Blick.ch.
Këtë e bëri të ditur të shtunën organizata me bazë në Gjenevë.
Sipas IAM, punonjësit u rrëmbyen nga zyra e tyre në Ghor nw Afganistanin qendror dhe u dërguan në Kabul.
Dy shtetas afganë dhe një anëtar i ekipit ndërkombëtar u arrestuan në zyrën e organizatës më 3 shtator dhe 15 shtetas të tjerë afganë u arrestuan në të njëjtat zyra më 13 shtator.
“Për momentin, ne nuk kemi asnjë informacion në lidhje me natyrën e akuzave kundër punonjësve tanë dhe për këtë arsye nuk jemi në gjendje të komentojmë apo spekulojmë mbi këtë situatë të vazhdueshme”, thuhet në deklaratën e OJQ-së.
“Megjithatë, nëse bëhen akuza kundër organizatës sonë ose një anëtari të stafit tonë, ne do të shqyrtojmë në mënyrë të pavarur të gjitha provat e paraqitura”.
IAM është gjithashtu në kontakt me Ministrinë e Çështjeve Ekonomike, Kombet e Bashkuara dhe Zyrën e Koordinimit për OJQ-të në Afganistan, vijon deklarata.
Zëdhënësit e autoriteteve talebane nuk ishin të gatshëm të flasin.
Në faqen e saj të internetit, IAM e përshkruan veten si të bazuar në vlerat e krishtera, por e bën të qartë se nuk ofron ndihmë bazuar në bindjet politike ose fetare.
Organizata ka punuar në Afganistan që nga viti 1966, kur u specializua në oftalmologji dhe më vonë u diversifikua në fusha të tjera të kujdesit shëndetësor dhe arsimit
Në vitin 2010, sipas IAM, dhjetë anëtarë të një kampi të IAM, duke përfshirë disa mjekë, u vranë nga sulmues të panjohur.
Ngjarja ka ndodhur në provincën Badakhshan të Afganistanit.
Që nga kthimi në pushtet në gusht 2021, disa të huaj janë arrestuar nga autoritetet talebane. (SDA)