Misioni
Pas një rrugëtimi që zgjati gati dy vite, ekipi menaxhues i „albradio“, arriti të licensoj një projekt shumë ambicioz, të plotë dhe interesant që në fokus primar ka të rinjtë dhe të rejat e komunitetit Shqiptar.
“albradio” DAB+, ka lindur si projekt imperativ i kohës, i numrit të komunitetit Shqiptar në Zvicër, i tregut ekonomik dhe bizneseve të suksesshme të bashkatdhetarëve tanë, ka lindur si nevojë e digjitalizimit që po ndodh, ka lindur si ide se shoqëria jonë Shqiptare ka kulturë dhe potencial për ti ofruar edhe më shumë shoqërive perendimore.
Argëtimi dhe Informimi janë moto të “albradio”-s që po shpërndanë valë të radios për herë të parë në historikun medial Shqiptar në valë nacionale të shtetit Helvetik të Zvicrës në 24 orë gjatë 7 ditëve të javës.
“albradio” është ambasadorja më e denjë Pan Shqiptare që mbulon me sinjal akset kryesore të regjioneve më të populluara me komunitetin Shqiptar dhe duke pretenduar të shtrihet gjithnjë e më shumë në tërë territorin e Zvicrës duke i dërguar sinjal çdo familje dhe individi që flet e dëgjon shqip!
Gazetat dhe Revistat
Global Woman Magazine
Artikull i marrë nga Magazina "Global Woman Albania" botuar më 17.12.2022
Vizioni i "albradio"-s në Zvicër
Shqiptarët e Zvicrës tash e tutje mund të ndëgjojnë radio programe FALAS (duke udhëtuar Akseve të ndryshme të Zvicrës, në shtëpitë e tyre, në zyret e tyre e me forma tjera përmes DAB+ valëve); muzikë të pastër Shqipe, emisione argëtuese, TOP lajme të shkurtëra, programe edukuese, biseda e Intervista si dhe tema të larmishme nga të gjitha poret e jetës!
„albradio“ është dritarja më e FUQISHME për promovimin e: Kulturës, Talenteve, Krijuesve, Artistëve. veprave, etj.
“albradio” i kushton rëndësi të veçantë pozitës dhe avancimit të femrës Shqiptare në shoqëri.
Rinia krijon Kulturë, dhe Kultura e ka forcën ta transformon vizionin e shoqërisë, ta forcojë komunitetin dhe të krijojë ndenjë identiteti dhe përkatësie tek të gjitha moshat e në veçanti te brezi i ri.
Roli i "albradio"-s në Zvicër
Ruajtja e gjuhës shqipe dhe traditave shoqërore!
Një ombrellë Informative dhe argëtuese për tërë Komunitetin Shqiptarë në Zvicër!
Faktor që nxitë, mbështetë dhe promovon angazhimin e rinisë.
Informim koherent me ngjarjet në Zvicër që ndërlidhen me komunitetin!
Ndikon pozitivisht në disponimin e audiencës përmes emisioneve muzikore dhe argëtuese!
Fuqizimi i komunitetit Shqiptar në Zvicër, duke krijuar mundësi të reja në një dimension të ri medial.
Reklama direkte te komuniteti shqiptar!
Neutraliteti – formula Zvicerane “albradio” është radio stacion komercial dhe nuk është e varur nga ndonjë organizatë politike dhe gjithashtu nuk financohet nga ndonjë grupacion politik!
“albradio” është projekt medial që në fokus primar ka audiencën 15-35 vjeç dhe është hapsirë „galaktike“ ku ka vend për të gjithë dhe mirëpret projektet, aktivitetet artistike, edukative që promovojnë vlerat kulturore Shqiptare përmes të cilave të rinjt dhe të rejat ndikojnë në zhvillimin e kulturës së një shoqërie.
Skema programore 2024
“Sporti në albradio” – çdo të hënë prej orës 16:30 – Veton Dizdari
“Tu shku, tu ngu” Vetima Bujupi, çdo të marte prej orës 16:30
“Shkurt e Shqip” Shqipe Beqiri – çdo të mërkure prej orës 16:30
“60min” – Anton Zefi – Toni – çdo të enjte prej orës 17:00
“Fundjava në Albradio” – çdo të premte me Astro-n
“Melodi pa kohë” – Blenda dhe Xhoana – çdo të shtunë
“Njerz dhe ngjarje” – Artan Grabocka, çdo të diele në ora 12:00
“Përallëzat në Albradio” – Valbona Asani, çdo të diele në ora 10:00
“Intervista” – çdo të diele në ora 11:00
“Reportazha” – çdo të diele në ora 14:00
„albradio“ emeton këngët më të reja dhe më të bukura Shqipe dhe të të gjitha zhanreve të trevave tona.
