MISIONI YNË I PËRBASHKËT

Shqiptarët në Zvicër tanimë kanë zërin e tyre!
Shqiptarët e Zvicrës do të mund të ndëgjojnë FALAS; Muzikë të pastër Shqipe, emisione argëtuese, TOP lajme të shkurtëra, programe edukuese, biseda e Intervista si dhe tema të larmishme nga të gjitha poret e jetës!
„alb-radio“  është Ambasadorja më e fuqishme e të gjithë Shqiptarëve të Zvicrës, është dritarja më e madhe për  promovimin e: Kulturës, Talenteve, Krijuesve, Artistëve , Veprave…

​

Rinia krijon Kulturë, dhe në të njejtën kohë Kultura e ka forcën ta transformon vizionin e shoqërisë, ta forcojë komunitetin në Zvicër dhe të krijojë një ndenjë identiteti dhe përkatësie tek të gjitha moshat, por në veçanti te brezi i ri.

"alb-radio" është faktor që nxitë, mbështetë dhe promovon angazhimin e rinisë në pasqyrimin e çështjeve të jetës së përditshme në fusha kreative dhe moderne.

​

Rinia Shqiptare është plot me ëndërra, me pasione, ata kanë energjinë dhe kapacitetin për tu transformuar në një motor të ndryshimeve sociale dhe kulturore në përmasa të gjëra.

​

Kreativiteti është aset dhe potencial ende i pashfrytëzuar në sferën ekonomike shqiptare dhe duhet konsideruar si energjia frymëzuese dhe aftësia që nxit shumë individë, përfshirë të rinjtë, të ndërmarrin nisma të reja me vizionin e transformimit të ardhshëm të shoqërisë tonë.

​

Misioni i „alb-radio“-s është të fuqizojë Komunitetin Shqiptar në Zvicër duke krijuar mundësi të reja dhe duke i dhënë një dimension evropian si:

• të sjellë ndryshime pozitive,

• të inkurajojë pjesëmarrjen aktive,

• të krijojë rrjete dhe synergji mes të rinjve në Zvicër si dhe jashtë saj.